രാവിലെ ഭര്‍ത്താവ് എത്തിയത് യുവതിയുടെ ബ്യൂട്ടീഷന്‍ ക്ലാസില്‍; എത്തിയപാടെ ചെയ്തത് യുവതിയുടെ ദേഹത്ത് പെട്രോള്‍ ഒഴിക്കല്‍; ലെറ്റര്‍ തട്ടിക്കളഞ്ഞ് അപകടം ഒഴിവാക്കിയത് സമീപത്തുള്ളവര്‍; യുവതി ഓടിമാറിയതോടെ ശ്രമവും പാളി; ബാബുരാജ് മലമ്പുഴ പോലീസ് കസ്റ്റഡിയില്‍

0
210

പാലക്കാട്: യുവതിയെ തീകൊളുത്തിക്കൊല്ലാന്‍ ഭര്‍ത്താവിന്റെ ശ്രമം. സരിത എന്ന യുവതിക്കു നേരെയാണ് ഭര്‍ത്താവ് ബാബുരാജ് ആക്രമണശ്രമം നടത്തിയത്. ഇന്നു രാവിലെയാണ് പാലക്കാടിനെ ഞെട്ടിച്ച സംഭവം നടന്നത്.

ബ്യൂട്ടീഷ്യന്‍ കോഴ്‌സ് വിദ്യാര്‍ഥിനിയായ സരിതയുടെ ക്ലാസ് മുറിയിലെത്തിയ ശേഷമായിരുന്നു ബാബുരാജിന്റെ ആക്രമണം. സരിതയുടെ ദേഹത്ത് ബാബുരാജ് പെട്രോള്‍ ഒഴിക്കുകയായിരുന്നു. തുടര്‍ന്ന് ലൈറ്റര്‍ കത്തിച്ച് കൊളുത്താന്‍ ശ്രമിച്ചെങ്കിലും അവിടെ ഉണ്ടായിരുന്നവര്‍ ചേര്‍ന്ന് ബാബുരാജിനെ തള്ളിമാറ്റി. സരിത ഓടി മാറിയതിനാല്‍ അപകടമൊന്നും സംഭവിച്ചില്ല. ഇവര്‍ക്ക് ഗുരുതര പരിക്കുകള്‍ ഇല്ലെന്നാണ് വിവരം.

സമീപത്തുള്ളവര്‍ ബാബുരാജിനെ പിടിച്ചുവെച്ചെങ്കിലും ഓടിരക്ഷപ്പെട്ട ഇയാള്‍ പിന്നീട് മലമ്പുഴ പോലീസ് സ്‌റ്റേഷനില്‍എത്തി കീഴടങ്ങി. ഇയാള്‍ക്കെതിരെ വധശ്രമത്തിന് കേസ് രജിസ്റ്റര്‍ ചെയ്തു. സരിതയും ബാബുരാജും തമ്മില്‍ പ്രശ്‌നങ്ങളുണ്ടായിരുന്നു എന്നാണ് വിവരം. കുറച്ചുകാലമായി ഇരുവരും അകന്ന് കഴിയുകയായിരുന്നു. സരിത ബ്യൂട്ടീഷ്യന്‍ കോഴ്‌സിന് ചേര്‍ന്നതില്‍ ബാബുരാജിന് താല്‍പര്യമുണ്ടായിരുന്നില്ലെന്നാണ് വിവരം. സരിതയെ അടുത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്.

LEAVE A REPLY

Please enter your comment!
Please enter your name here