കൊച്ചി∙ പ്രതിപക്ഷ നേതാവ് രമേശ് ചെന്നിത്തലയുടെ ഐശ്വര്യ കേരള യാത്രയ്ക്ക് പൊലീസ് ഉദ്യോഗസ്ഥർ അഭിവാദ്യമര്‍പ്പിച്ച് വിവാദമായി. പെരുമാറ്റച്ചട്ട ലംഘനമെന്നാണ് ആരോപണം. സംഭവം വിവാദമായതോടെ ഡപ്യൂട്ടി കമ്മിഷണര്‍ അന്വേഷണം പ്രഖ്യാപിച്ചു.
കോണ്‍ഗ്രസ് അനുകൂല പൊലീസ് അസോസിയേഷൻ പ്രതിനിധികളായ ഷിബു ചെറിയാന്‍, ജോസ് ആന്റണി എന്നിവരടക്കം നാല് പൊലീസുകാരാണ് രമേശ് ചെന്നിത്തലയെ കണ്ട് പൊന്നാടയണിയിച്ചത്. കെപിസിസി പ്രസിഡന്റ് മുല്ലപ്പള്ളി രാമചന്ദ്രനൊപ്പം ഇവരെടുത്ത ചിത്രങ്ങളും പുറത്തുവന്നിട്ടുണ്ട്.